स्थान: साकोली
साकोली तालुक्यात रिक्त असलेल्या पाच महसूल सेवक (कोतवाल) पदांच्या भरती प्रक्रियेला सुरुवात झाली आहे. या पदांसाठी शासनाच्या प्रचलित नियमांनुसार सामाजिक आरक्षण निश्चित करण्याकरिता गुरुवार, २४ सप्टेंबर २०२६ रोजी आरक्षण सोडत आयोजित करण्यात आली आहे. याबाबत तहसीलदार साकोली तथा सदस्य सचिव, कोतवाल पदभरती प्रक्रिया समिती-२०२६ यांनी जाहीर सूचना प्रसिद्ध केली आहे.
महाराष्ट्र शासनाच्या ३ सप्टेंबर २०२६ रोजीच्या शासन निर्णयानुसार तसेच जिल्हाधिकारी, भंडारा यांच्या ११ सप्टेंबर २०२६ रोजीच्या पत्रानुसार ही भरती प्रक्रिया राबविण्यात येत आहे.
आरक्षण सोडतीसाठी २४ सप्टेंबर रोजी दुपारी ४ वाजता साकोली येथील नवीन इमारत, गडकुंभली रोडवरील तहसील कार्यालयाच्या सभागृहात सभा आयोजित करण्यात आली आहे. संबंधित गावांतील इच्छुक नागरिकांनी या सभेला उपस्थित राहावे, असे आवाहन प्रशासनाने केले आहे.
या पाच साज्यांमध्ये होणार कोतवाल भरती
साकोली तालुक्यातील वडगाव, परसोडी, सेंदुरवाफा, पळसगाव आणि शिवनीबांध या पाच साज्यांतील रिक्त पदांसाठी भरती प्रक्रिया राबविण्यात येणार आहे.
अ. क्र. साज्याचे नाव
१ वडगाव, त. सा. क्र. ५
२ परसोडी, त. सा. क्र. ८
३ सेंदुरवाफा, त. सा. क्र. १०
४ पळसगाव, त. सा. क्र. १७
५ शिवनीबांध, त. सा. क्र. २१
या साज्यांतर्गत येणाऱ्या गावांतील नागरिकांना आरक्षण सोडतीची माहिती देण्यात आली आहे. संबंधित तलाठी, ग्रामपंचायतींचे गटविकास अधिकारी आणि महसूल प्रशासनाला जाहीर सूचना प्रसिद्ध करण्याच्या सूचना देण्यात आल्या आहेत.
दरम्यान, ही सभा कोतवाल पदांच्या सामाजिक आरक्षण निश्चितीसाठी आयोजित करण्यात आली असून, प्रत्यक्ष भरतीसाठी अर्ज प्रक्रिया, पात्रता आणि निवडीसंबंधीची माहिती स्वतंत्र भरती जाहिरातीनुसार स्पष्ट होणार आहे. इच्छुक उमेदवारांनी पुढील अधिकृत सूचनांकडे लक्ष ठेवावे.