गोंदिया भाजपमध्ये नवा जोश, कार्यकर्त्यांमध्ये नवचैतन्य
प्रशांत शहारे यांची भाजप जिल्हा महामंत्री पदी निवड
भारतीय जनता पक्षाच्या गोंदिया जिल्हा संघटनात एक ऐतिहासिक आणि सकारात्मक पाऊल टाकत प्रशांतभाऊ शहारे यांची भाजप गोंदिया जिल्हा महामंत्रीपदी नियुक्ती करण्यात आली आहे. या निवडीनंतर संपूर्ण जिल्ह्यात कार्यकर्त्यांमध्ये आनंदाचं वातावरण असून भाजप संघटनात नवचैतन्य निर्माण झालं आहे.
प्रशांतभाऊ शहारे हे पक्षाचे निष्ठावान, कर्तबगार आणि जनतेमध्ये लोकप्रिय नेतृत्व म्हणून ओळखले जातात. सामाजिक कार्य, संघटन कौशल्य आणि सातत्यपूर्ण जनसंपर्क या गुणांमुळे त्यांनी पक्षात ठोस स्थान निर्माण केले आहे. त्यांच्या नेतृत्वाखाली गोंदिया जिल्ह्यात विविध सामाजिक आणि राजकीय उपक्रम प्रभावीपणे राबवण्यात आले आहेत.
भाजपच्या गोंदिया जिल्ह्यातील संघटनात्मक नेतृत्वात तरुण आणि सक्रिय नेतृत्व पुढे येत असल्याचा प्रत्यय या निवडीतून आला आहे. कार्यकर्त्यांमध्ये प्रेरणा निर्माण करणारे शहारे हे नेतृत्व पक्षाच्या विचारधारेचा प्रसार आणि जनसंपर्काच्या माध्यमातून संघटन वाढीसाठी अतिशय उपयुक्त ठरणार आहे.
या निवडीनंतर भाजपचे जिल्हा स्तरावरील अनेक नेत्यांनी त्यांचे मनःपूर्वक अभिनंदन केले. दिलीप सोनटक्के (महामंत्री भाजप सोशल मीडिया मंडळ), विशाल भेंडारकर (अध्यक्ष भाजप मूर्तिजापूर मंडळ), डॉ. मयुर रामटेके (सामाजिक कार्यकर्ते), आशिष भेंडारकर (सामाजिक कार्यकर्ते), कृष्णाल बडोले (सोशल मीडिया प्रमुख, भाजप सोशल मीडिया मंडळ) यांनी शहारे यांना शुभेच्छा देत त्यांच्यावर विश्वास व्यक्त केला आहे.
या निमित्ताने प्रसारमाध्यमांशी बोलताना प्रशांतभाऊ शहारे म्हणाले,
“माझ्यावर पक्षाने दाखवलेला विश्वास माझ्यासाठी प्रेरणादायक आहे. मी जिल्ह्यातील सर्वच कार्यकर्त्यांना बरोबर घेऊन पक्षवाढीसाठी आणि जनतेच्या प्रश्नांसाठी समर्पितपणे काम करणार आहे. युवकांचे नेतृत्व, ग्रामीण समस्या, आणि सामाजिक सलोखा जपणे हे माझे प्राधान्य राहील.”
गोंदिया जिल्ह्याच्या राजकारणात भाजपची पकड अधिक बळकट करण्याच्या दृष्टिकोनातून शहारे यांची ही नियुक्ती महत्त्वपूर्ण मानली जात आहे. पक्ष संघटनाची पुन्हा नव्याने घडणारी रचना आणि शहारे यांचा उत्साही सहभाग हे भाजपसाठी आगामी निवडणुकांत नक्कीच लाभदायक ठरणार आहेत.
या निवडीमुळे गोंदिया जिल्ह्यात भाजप पक्षाचे नवे पर्व सुरू झाले असून कार्यकर्त्यांमध्ये नव्या ऊर्जा आणि उमेद निर्माण झाली आहे. हे नेतृत्व फक्त पदासाठी नाही, तर जनतेशी जोडलेलं आणि कार्यकर्त्यांशी एकरूप असलेलं नेतृत्व आहे, हे त्यांच्या कारकिर्दीतून स्पष्ट होते.
