नगरपंचायत अर्जुनी मोरगावमध्ये नागरी सुविधा व विकासकामांचा आढावा

आमदार बडोले यांच्या अध्यक्षतेखाली झाली सखोल चर्चा

आज दिनांक ०४ ऑगस्ट २०२५ रोजी नगरपंचायत अर्जुनी मोरगाव येथे नागरी सुविधा व विविध विकासकामांचा आढावा घेण्यासाठी एक महत्त्वपूर्ण बैठक आयोजित करण्यात आली. या बैठकीच्या अध्यक्षस्थानी आमदार तथा माजी मंत्री इंजिनिअर राजकुमार बडोले होते. या बैठकीला स्थानिक लोकप्रतिनिधी, प्रशासकीय अधिकारी आणि कर्मचारी यांची उपस्थिती लक्षणीय होती.

या बैठकीमध्ये नागरिकांच्या दैनंदिन अडचणी, विकास योजनांची अंमलबजावणी आणि वाढत्या करप्रणालीबाबत सखोल चर्चा झाली. विशेषतः नागरी सुविधांचा दर्जा सुधारण्याच्या दृष्टिकोनातून पुढील उपाययोजना ठरविण्यात आल्या.

वाढवलेली करप्रणाली आणि अतिरिक्त पाणी कनेक्शन शुल्कावर चर्चा
अर्जुनी मोरगावमध्ये वाढवलेल्या करप्रणालीविषयी नागरिकांकडून संताप व्यक्त केला जात आहे. या पार्श्वभूमीवर आमदार बडोले यांनी प्रशासकीय अधिकाऱ्यांना पारदर्शक करप्रणाली राबविण्याच्या सूचना दिल्या. कराचे दर योग्य पद्धतीने निश्चित करून नागरिकांवर अनावश्यक आर्थिक बोजा न आणण्याची गरज त्यांनी व्यक्त केली.

तसेच पाणी कनेक्शनवर आकारण्यात येणाऱ्या अतिरिक्त शुल्कावरही चर्चा करण्यात आली. यावर सर्वसमावेशक निर्णय घेण्यासाठी प्रस्तावित सुधारणा करावी आणि नागरिकांना विश्वासात घ्यावे, असे निर्देश दिले गेले.

प्रभागस्तरीय समित्यांची स्थापना व घर-जमिनीच्या दाव्यांबाबत सूचना
आमदार बडोले यांनी सूचित केले की, प्रत्येक प्रभागात एक स्वतंत्र समिती स्थापण्यात यावी, जी घर-जमिनीचे प्रलंबित दावे योग्य पद्धतीने हाताळेल. यामुळे नागरिकांना न्याय मिळण्यास मदत होईल आणि प्रशासकीय कामकाजात गती येईल.

सार्वजनिक हिताच्या कामांना मिळणार प्राधान्य
स्थानिक प्रशासनाने सार्वजनिक हिताच्या कामांना सर्वोच्च प्राधान्य द्यावे, अशा स्पष्ट सूचना आमदार बडोले यांनी बैठकीत दिल्या. नगरपंचायतीची सर्व योजना पारदर्शक व लोकाभिमुख असाव्यात, यासाठी संबंधित अधिकाऱ्यांनी सक्रिय भूमिका घेण्याचेही आवाहन त्यांनी केले.

या बैठकीस तहसीलदार अनिरुद्ध कांबळे, नगराध्यक्ष मंजुषाताई बारसागडे, उपनगराध्यक्ष ललिताताई टेंभरे, नगरसेवक विजयजी कापगते, यशकुमारजी शहारे, राधेश्यामजी भेंडारकर, संजयजी पवार, सर्वेशजी भुतडा, सागरजी आरेकर, संध्याताई शहारे, सपनाताई उपवंशी, ममताताई भैय्या, इंदुताई लांजेवार, दीक्षाताई शहारे, शिलाताई उइके, सुषमाताई दामले यांच्यासह विविध शासकीय अधिकारी आणि कर्मचारी उपस्थित होते.

ही बैठक स्थानिक स्तरावर प्रभावी आणि जलद निर्णय घेण्यासाठी महत्त्वपूर्ण ठरली असून, नागरी जीवनमान उंचावण्यासाठी पुढील वाटचालीला दिशा मिळाली आहे.