देशात पहिली बुलेट ट्रेन सेवा लवकरच

देशवासीयांसाठी एक ऐतिहासिक क्षण जवळ येत आहे. जपानच्या तंत्रज्ञानावर आधारित देशातील पहिली बुलेट ट्रेन सेवा लवकरच सुरू होणार आहे. पंतप्रधान नरेंद्र मोदी यांच्या महत्वाकांक्षी ‘मेक इन इंडिया’ आणि ‘विकसित भारत’ उपक्रमाचा हा एक भाग असून, यामुळे देशाच्या दळणवळण क्षेत्रात क्रांती होणार आहे.

मुंबई-अहमदाबाद दरम्यान साकारत असलेल्या या बुलेट ट्रेन प्रकल्पाचं काम सध्या अंतिम टप्प्यात आहे. National High-Speed Rail Corporation Limited (NHSRCL) च्या माहितीनुसार, या सेवेचा पहिला टप्पा २०२६ पर्यंत जनतेसाठी खुला केला जाण्याची शक्यता आहे. ही ट्रेन ताशी ३२० किमी वेगाने धावेल, आणि प्रवासाचा वेळ ८ तासांवरून फक्त २ तासांवर येईल.

बुलेट ट्रेनचे वैशिष्ट्ये – देशातील दळणवळणात क्रांती

ट्रेनमध्ये अत्याधुनिक सिग्नल सिस्टीम, एअरप्रेशर कंट्रोल, आणि इमर्जन्सी ब्रीकिंग सिस्टीम असेल.

प्रवाशांसाठी आरामदायक सीट्स, वायफाय सुविधा, आणि शांततापूर्ण प्रवासाची हमी.

प्रत्येक स्टेशनचा आराखडा जपानी शिंकान्सेन तंत्रज्ञानावर आधारित आहे.

बुलेट ट्रेनसाठी स्वतंत्र ट्रॅकचे काम सुरु असून, जमिनीखाली बोगदे आणि उंच पूल यांचाही समावेश आहे.


वातावरणपूरक आणि भविष्यातील प्रवासाची झलक

बुलेट ट्रेन सेवा ही ग्रीन ट्रान्सपोर्ट सिस्टम चा भाग ठरेल. तिच्यामध्ये पर्यावरणपूरक वीज वापरली जाणार असून कार्बन उत्सर्जन खूपच कमी असेल. हे प्रकल्प शाश्वत विकासाच्या दिशेने एक सकारात्मक पाऊल आहे.

पायाभूत सुविधा, जमीन अधिग्रहण आणि अडचणी

या प्रकल्पासाठी महाराष्ट्र आणि गुजरात राज्यांमध्ये हजारो कोटींचे पायाभूत सुविधा निर्माण केल्या जात आहेत. यामध्ये १२८ किमी लांबीच्या बोगद्यांचा समावेश असून, मुंबईच्या बँड्रा कुर्ला कॉम्प्लेक्स (BKC) येथे भूमिगत स्टेशन बांधले जात आहे. जमीन अधिग्रहण आणि स्थानिक विरोध यामुळे प्रकल्पाला सुरुवातीला काही अडथळे आले, मात्र आता सर्व अडथळे दूर करून काम झपाट्याने सुरू आहे.

उद्योजकता, पर्यटन आणि रोजगारास चालना

या सेवेचा केवळ प्रवाशांपुरताच नाही, तर पर्यटन, रोजगार आणि औद्योगिक विकासासाठी मोठा फायदा होणार आहे. बुलेट ट्रेन मार्गावर अनेक लघु व मध्यम उद्योगांना चालना मिळेल. हॉटेल, रेस्टॉरंट्स, टॅक्सी सेवा, स्थानिक बाजारपेठ यामध्ये आर्थिक गती निर्माण होईल.