भीम टायगर युवा संघटना समाजोत्थान मिशनात पुढचे पाऊल टाकणार? शालेय साहित्य व फळवाटप उपक्रमातून नवा संदेश!
भीम टायगर युवा संघटना समाजाभिमुख उपक्रमांच्या माध्यमातून सामाजिक परिवर्तनासाठी कार्यरत असल्याची नवी उदाहरणे सतत समोर आणत आहे. 69 व्या धम्मचक्र प्रवर्तन दिनानिमित्त या संघटनेने अर्जुनी मोरगाव परिसरात आयोजित केलेला शालेय साहित्य वितरण व रुग्णांना फळ वाटप उपक्रम याच सामाजिक जाणिवेचा प्रत्यय देणारा ठरला. समाजहिताला प्राधान्य देणारी युवाशक्ती केवळ घोषणांपुरती मर्यादित न राहता प्रत्यक्ष कृतीतून समाजात सकारात्मकता रुजवू शकते, याचा उत्तम प्रत्यय या उपक्रमातून आला.
अर्जुनी मोरगाव शहरातील जिल्हा परिषद प्राथमिक शाळा क्रमांक 1 व 2, तावशी खुर्द, सिंगलटोली, बरडटोली यांसह समूह साधन केंद्र व दुर्गा चौक येथील अंगणवाडी केंद्रातील मुलांना शालेय उपयोगी वह्या, पेन, पेन्सिल, स्लेट, शाळेची पिशवी अशा आवश्यक वस्तूंचे वितरण करण्यात आले. ग्रामीण भागातील अनेक कुटुंबांना आर्थिक अडचणीमुळे मुलांच्या शिक्षणावर तडजोड करावी लागते. अशात भीम टायगर युवा संघटनेचा हा उपक्रम अनेक विद्यार्थ्यांसाठी प्रेरणादायी ठरला.
