‘नई नवेली’ चित्रपटात यामी गौतम आणि आदिनाथ कोठारे एकत्र; धमाकेदार ट्रेलर प्रदर्शित
हॉरर, कॉमेडी आणि कौटुंबिक ड्रामाचा मिलाफ असलेल्या चित्रपटाचा ट्रेलर समोर; प्रेक्षकांमध्ये उत्सुकता
राष्ट्रीय चित्रपट पुरस्कार विजेती अभिनेत्री यामी गौतम आणि मराठमोळा अभिनेता आदिनाथ कोठारे यांची प्रमुख भूमिका असलेला ‘नई नवेली’ हा चित्रपट लवकरच प्रेक्षकांच्या भेटीस येत आहे. या बहुप्रतीक्षित चित्रपटाचा ट्रेलर नुकताच प्रदर्शित करण्यात आला असून या नव्या जोडीने प्रेक्षकांचे लक्ष वेधून घेतले आहे. हॉरर, कॉमेडी आणि कौटुंबिक ड्रामाचा मिलाफ असलेला हा चित्रपट मोठ्या पडद्यावर रिलीज होणार आहे.
आदिनाथ आणि यामीची फ्रेश जोडी
‘नई नवेली’ या चित्रपटाच्या निमित्ताने यामी गौतम आणि आदिनाथ कोठारे पहिल्यांदाच एकत्र काम करत आहेत. नुकत्याच प्रदर्शित झालेल्या ट्रेलरमध्ये आदिनाथचा रुबाबदार अंदाज आणि दोघांची केमिस्ट्री प्रेक्षकांचे लक्ष वेधून घेत आहे.
हॉरर, कॉमेडी आणि कौटुंबिक ड्रामा यांचा संगम असलेल्या या कथानकामुळे प्रेक्षक या चित्रपटाची आतुरतेने वाट पाहत आहेत.
सोशल मीडियावर ट्रेलरची हवा
ट्रेलर प्रदर्शित झाल्यानंतर सोशल मीडियावर या चित्रपटाचीच चर्चा रंगली आहे. नेटकऱ्यांनी या ट्रेलरचे कौतुक केले असून लवकरच हा चित्रपट मोठ्या पडद्यावर प्रदर्शित होणार आहे.
