महाराष्ट्र लोकसेवा आयोगाचे सचिव महेंद्र हरपाळकर यांची बदली
प्रतिनियुक्ती संपुष्टात आणून कार्यभार तात्काळ सोपवण्याचे सामान्य प्रशासन विभागाचे निर्देश
महाराष्ट्र लोकसेवा आयोगाचे (एमपीएससी) सचिव महेंद्र उत्तमराव हरपाळकर यांची बदली करण्यात आली आहे. राज्य शासनाच्या सामान्य प्रशासन विभागाने या संदर्भात अधिकृत आदेश जारी केले आहेत.
प्रतिनियुक्ती संपुष्टात आणण्याचे शासनाचे आदेश
महाराष्ट्र शासनाच्या सामान्य प्रशासन विभागाने प्रशासकीय कारणास्तव हा निर्णय घेतला आहे. त्यानुसार महेंद्र उत्तमराव हरपाळकर यांची एमपीएससी सचिव पदावरील प्रतिनियुक्ती संपुष्टात आणण्यात आली आहे.
कार्यभार तात्काळ सोपवण्याचे निर्देश
जारी करण्यात आलेल्या आदेशानुसार, हरपाळकर यांनी आपल्या पदाचा कार्यभार महाराष्ट्र लोकसेवा आयोगाच्या अध्यक्षांच्या संमतीने इतर अधिकाऱ्याकडे तात्काळ सोपवणे आवश्यक आहे.
त्याचबरोबर त्यांच्या आगामी पदस्थापनेबाबतचे स्वतंत्र आदेश शासन स्तरावरून नंतर निर्गमित केले जाणार असल्याचे नमूद करण्यात आले आहे.
